100

മലയാള മനോരമ

ഫീസ് ഒരുമിച്ച് വാങ്ങും: മെഡിക്കല്‍ മാനേജ്മെന്‍റ് വെബ്‌ദുനിയ നാലു വര്‍ഷത്തെ ഫീസ് ഒരുമിച്ച് വാങ്ങുമെന്ന് മെഡിക്കല്‍ മാനേജ്മെന്‍റ് അസോസിയേഷന്‍ അറിയിച്ചു. തിരുവനന്തപുരത്ത് മാധ്യമപ്രവര്‍ത്തകരോട് അസോസിയേഷന്‍ ഇക്കാര്യം സ്ഥിരീകരിച്ചത്. ... ത്രിതല ഫീസ് ഘടന: പുതിയ വിജ്ഞാപനം ഇറങ്ങിമാതൃഭൂമി ത്രിതല ഫീസ് ഘടന തന്നെമെട്രോ വാര്‍ത്ത സ്വാശ്രയ പ്രവേശനം: ത്രിതല ഫീസ് ഘടന പുനസ്ഥാപിച്ചുകേരള ഓണ്‍ ലൈവ് മലയാള മനോരമ -മംഗളം -വീക്ഷണം എല്ലാ 32 വാര്‍ത്താ ലേഖനങ്ങളും »

കൊല്‍ക്കത്ത: ഈ മാസം 13 ന് എട്ട് സംസ്ഥാനങ്ങളില്‍ 48 മണിക്കൂര്‍ ബന്ദ് ആചരിക്കാന്‍ മോവോവാദികള്‍ ആഹ്വാനം ചെയ്തു. നക്‌സല്‍ നേതാവ് രാജ്കുമാര്‍ ആസാദ് കൊല്ലപ്പെട്ട സംഭവത്തില്‍ സമഗ്രാന്വേഷണം നടത്താനും മന്ത്രിമാരുടെ രാജിയും ആവശ്യപ്പെട്ടാണ് ബന്ദ്. ആഭ്യന്തരമന്ത്രി പി. ചിദംബരം, ആഭ്യന്തര സെക്രട്ടറി ജി.കെ. പിള്ള, ആന്ധ്രാപ്രദേശ് മുഖ്യമന്ത്രി റോസയ്യ, ആന്ധ്രാപ്രദേശ് ഡി.ജി.പി. ഗിരീഷ്‌കുമാര്‍ എന്നിവര്‍ രാജി വെക്കണമെന്നാണ് മാവോവാദി നേതാവ് കിഷന്‍ജിയുടെ ആവശ്യം. പശ്ചിമബംഗാള്‍, ബിഹാര്‍, ഒറീസ, ജാര്‍ഖണ്ഡ്, ഛത്തീസ്ഗഡ്, ആന്ധ്രാപ്രദേശ്, മഹാരാഷ്ട്രയിലെ ഗഡ്ചിരോളി, ഭണ്ഡാര, ചന്ദ്രപൂര്‍-ജില്ലകള്‍, മധ്യപ്രദേശിലെ ബലാഘട്ട് ജില്ല എന്നിവിടങ്ങളിലാണ് ബന്ദിന്റെ പരിധിയിലുള്ള മേഖലകള്‍. ആന്ധ്രാ പോലീസ് നടത്തിയ കൊലപാതകമാണ് ആസാദിന്റെ മരണത്തിന് കാരണമെന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ നിന്ന് വ്യക്തമാണെന്ന് കിഷന്‍ജിയുടെ പേരില്‍ മാവോവാദികള്‍ പുറത്തിറക്കിയ പ്രസ്താവനയില്‍ പറയുന്നുണ്ട്.

ഇസ്‌ലാമാബാദ്: ലാഹോറിലുണ്ടായ സ്‌ഫോടന പരമ്പരയുടെ ആഘാതം മാറുംമുന്‍പെ പാകിസ്താനില്‍ വീണ്ടും സ്‌ഫോടനം. ബലൂചിസ്താന്‍ പ്രവിശ്യാ തലസ്ഥാനമായ ക്വേട്ടയില്‍ മൂന്നിടത്തുണ്ടായ സ്‌ഫോടനത്തില്‍ 73 പേര്‍ കൊല്ലപ്പെട്ടു. നൂറോളം പേര്‍ക്ക് പരിക്കേറ്റു. മരണസംഖ്യ ഇനിയും ഉയര്‍ന്നേക്കുമെന്നാണ് സൂചന. ഷിയാ വിഭാഗം മുസ്‌ലീങ്ങളുടെ മതചടങ്ങിനിടെയാണ് കഴിഞ്ഞദിവസം സ്‌ഫോടനം നടന്നത്. ഇതില്‍ 35 പേരാണ് കൊല്ലപ്പെട്ടത്. ലഷ്‌കര്‍-ഇ-ജാംഗ് വി എന്ന തീവ്രവാദ സംഘടന ലാഹോര്‍ സ്‌ഫോടനത്തിന്റേയും ക്വേട്ട സ്‌ഫോടനത്തിന്റേയും ഉത്തരവാദിത്തം ഏറ്റെടുത്തിട്ടുണ്ട്. പഞ്ചാബ് പ്രവിശ്യയില്‍ നിന്നുള്ള തീവ്രവാദ സംഘടനയാണിത്. ഷിയ-സുന്നി വിഭാഗങ്ങള്‍ക്കിടയിലുള്ള സംഘര്‍ഷമാണ് സ്‌ഫോടനത്തിന് കാരണമെന്നും റിപ്പോര്‍ട്ടുണ്ടായിരുന്നു. പാക് പ്രധാനമന്ത്രി യൂസഫ് റാസ ഗിലാനി സംഭവത്തില്‍ നടുക്കം രേഖപ്പെടുത്തി.

ന്യൂഡല്‍ഹി: കോണ്‍ഗ്രസ് അധ്യക്ഷയായി സോണിയാഗാന്ധിയെ എതിരില്ലാതെ നാലാം തവണയും തിരഞ്ഞെടുത്തു. കോണ്‍ഗ്രസ് ആസ്ഥാനത്ത് നടന്ന ചടങ്ങില്‍ തിരഞ്ഞെടുപ്പ് സമിതി ചെയര്‍മാന്റെ ചുമതല വഹിച്ച എ.ഐ.സി.സി. ജനറല്‍ സെക്രട്ടറി ഓസ്‌കാര്‍ ഫെര്‍ണാണ്ടസാണ് ഇത് സംബന്ധിച്ച ഔദ്യോഗിക പ്രഖ്യാപനം നടത്തിയത്. ചടങ്ങില്‍ അധ്യക്ഷ പദവി വ്യക്തമാക്കുന്ന ബഹുമതി പത്രം സോണിയാഗാന്ധിക്ക് സമ്മാനിച്ചു. പ്രധാനമന്ത്രി മന്‍മോഹന്‍സിങ് അടക്കമുള്ള പ്രമുഖ കോണ്‍ഗ്രസ് നേതാക്കള്‍ പങ്കെടുത്തു. വ്യാഴാഴ്ച്ചയാണ് നാമനിര്‍ദേശ പത്രികകള്‍ സമര്‍പ്പിച്ചത്. എതിരില്ലാത്തതിനാല്‍ വെള്ളിയാഴ്ച്ച സൂക്ഷ്മപരിശോധനയ്ക്ക് ശേഷം ഔദ്യോഗിക പ്രഖ്യാപനം നടത്തുകയാണുണ്ടായത്. 56 നാമനിര്‍ദേശ പത്രികകളാണ് സോണിയ്ക്ക് വേണ്ടി സമര്‍പ്പിക്കപ്പെട്ടത്. കേരളത്തില്‍ നിന്ന് കെ. കരുണാകരന്റെ നേതൃത്വത്തിലെത്തിയ സംഘം മൂന്ന് നാമനിര്‍ദേശ പത്രികകള്‍ സമര്‍പ്പിച്ചു. ഈ തിരഞ്ഞെടുപ്പോടെ കോണ്‍ഗ്രസിന്റെ ചരിത്രത്തില്‍ ഏറ്റവും കൂടുതല്‍ കാലം അധ്യക്ഷ പദവിയിലിരുന്ന ആളെന്ന റെക്കോര്‍ഡും ഇനി 63 കാരിയായ സോണിയ്ക്ക്....

ന്യൂഡല്‍ഹി: ബാറ്റിങ് ഇതിഹാസം സച്ചിന്‍ തെണ്ടുല്‍ക്കറെ വ്യോമസേന ഗ്രൂപ്പ് ക്യാപ്റ്റന്‍ പദവി നല്‍കി ആദരിച്ചു. ആദ്യമായാണ് ഒരു കായിക താരത്തിന് വ്യോമസേന ഈ ബഹുമതി നല്‍കുന്നത്. എയര്‍ചീഫ് മാര്‍ഷല്‍ പി.വി നായിക് സച്ചിന് ക്യാപ്റ്റന്റെ ചിഹ്നം സമ്മാനിച്ചു. സ്വപ്‌നസാക്ഷാത്കാരമായിട്ടാണ് ഈ ബഹുമതിയെ സച്ചിന്‍ വിശേഷിപ്പിച്ചത്. എനിക്ക് ലഭിക്കുന്ന ഏറ്റവും വലിയ ആദരവാണിത്. ടോപ് ഗണ്‍ എന്ന ചിത്രത്തിലെ വൈമാനികന്റെ ഗ്ലാസ് ധരിച്ചുള്ള ടോം ക്രൂസിന്റെ രംഗങ്ങള്‍ ഞാന്‍ ഏറെ ഇഷ്ടപ്പെടുന്നു. ഇന്ത്യന്‍ വ്യോമസേനയുടെ ബ്രാന്‍ഡ് അംബാസിഡര്‍ എന്ന നിലയിലായിരിക്കും സച്ചിന്‍ പ്രവര്‍ത്തിക്കുക. 1996 ല്‍ ദക്ഷിണാഫ്രിക്കയില്‍ വെച്ച് യുദ്ധ വിമാനത്തില്‍ സഞ്ചരിച്ചത് സച്ചിന്‍ ചടങ്ങില്‍ അനുസ്മരിച്ചു.

തിരുവനന്തപുരം: സ്വാശ്രയപ്രവേശനത്തിനുള്ള ത്രിതല ഫീസ് ഘടനയ്ക്കായി സര്‍ക്കാര്‍ പുതിയ വിജ്ഞാപനം പുറത്തിറക്കി. ഇതനുസരിച്ച് ഏഴു ശതമാനം പേര്‍ക്ക് 25,000 രൂപയും 13 ശതമാനം പേര്‍ക്ക് 45,000 രൂപയും മറ്റുള്ളവര്‍ക്ക് 1,38,000 രൂപയുമായിരിക്കും ഫീസ്. ബി.പി.എല്‍ വിഭാഗത്തില്‍പെട്ടവരും പാവപ്പെട്ടവര്‍രുമാണ് ഈ 7 ശതമാനം വിഭാഗത്തില്‍ വരിക. ഇന്നലെ പുറപ്പെടുവിച്ച വിജ്ഞാപനത്തില്‍ ആശയക്കുഴപ്പമുള്ളതിനാലാണ് പുതിയവിജ്ഞാപനം പുറത്തിറക്കിയത്. സ്വകാര്യ സ്വാശ്രയ മെഡിക്കല്‍ കോളേജുകളിലെ 50 ശതമാനം സര്‍ക്കാര്‍ സീറ്റില്‍ 1.38 ലക്ഷം രൂപ താല്‍ക്കാലിക ഫീസായി ഇന്നലെ സര്‍ക്കാര്‍ പ്രഖ്യാപിച്ചിരുന്നു. പാവപ്പെട്ടവര്‍ക്കുള്ള ഫീസിന്റെ കാര്യം ഇന്നലത്തെ വിജ്ഞാപനത്തില്‍ കൃത്യമായി പറഞ്ഞിരുന്നില്ല. ഓപ്ഷന്‍ രജിസ്‌ട്രേഷന്‍ ഇന്ന് തുടങ്ങിയെങ്കിലും പിന്നീട് ഫീസ് വര്‍ദ്ധിപ്പിച്ചാല്‍ എന്തു ചെയ്യുമെന്നും ഇന്നലെ രക്ഷിതാക്കള്‍ ആശങ്കപ്പെട്ടിരുന്നു.

കൊച്ചി: സ്വാശ്രയമെഡിക്കല്‍ കോളേജുകളിലെ മാനേജ്മന്റ് സീറ്റുകളില്‍ നാലുവര്‍ഷത്തെ ഫീസ് ഒരുമിച്ച് അടക്കണമെന്നത് തീരുമാനം സര്‍ക്കാര്‍ അറിഞ്ഞുകൊണ്ടുതന്നെയാണെന്ന് സ്വാശ്രയ മാനേജ്‌മെന്റ് അസോസിയേഷന്‍ അവകാശപ്പെട്ടു. ഈ പ്രോസ്‌പെക്ടസ് നേരത്തെ തന്നെ മുഹമ്മദ് കമ്മിറ്റിയും കണ്ട് അംഗീകരിച്ചതാണ്. വിവാദങ്ങളുണ്ടാകുമ്പോള്‍ സര്‍ക്കാരുമായി കരാര്‍ ഒപ്പിട്ട കോളേജുകളോട് ഒരു സമീപനവും മറ്റുള്ളവരോട് മറ്റൊരുസമീപനവും മുഹമ്മദ് കമ്മിറ്റി സ്വീകരിക്കുന്നുവെന്നും സ്വാശ്രയ മാനേജ്‌മെന്റ് അസോസിയേഷന്‍ ആരോപിച്ചു. കരാറില്‍ ഒപ്പിടാത്ത കോളേജുകളിലെ പ്രവേശനത്തില്‍ മുഹമ്മദ് കമ്മറ്റി ഇടപെടുന്നില്ലെന്നും അസോസിയേഷന്‍ പറഞ്ഞു. നാലുവര്‍ഷത്തെ ഫീസായ 23 ലക്ഷം രൂപ ഒരുമിച്ച് അടയ്ക്കുകയോ തത്തുല്യമായ ബാങ്ക് ഗ്യാരന്റി നല്‍കുകയോ ചെയ്യണമെന്ന മാനേജ്‌മെന്റുകളുടെ നിര്‍ദേശം വിവാദമായിരുന്നു.